Fagkveld om villrein

Ei felles historie gjennom 500 000 år

Villreinen har vandra langt. Frå Sør-Amerika, via Nord-Amerika og Beringia, før den fann vegen inn i Europa og vidare til fjella våre. Mennesket kom frå ein heilt annan kant – men møtet mellom oss endra alt. I meir enn ein halv million år har reinen vore livsgrunnlag for menneske i dei tøffaste klimaperiodane. No er rollene snudd. Det er villreinen som treng oss.

Denne kvelden er via til den lange vandringa – både den biologiske, kulturelle og menneskelege. Ei historie om tilpassing, overleving og sterke band mellom artar som eigentleg ikkje skulle høyrt saman.

Villrein i Hemsedal – kva skjer no?

I 2017–2018 vart villreinen i den nordlege delen av Nordfjella skoten ned på grunn av sjukdomen CWD. No er reinen i sør friskmeld, og arbeidet med å gi den tilgang til viktige beiteområde i Ål og Hemsedal er i gang igjen. For Hemsedal er vinterbeitene mot Ål heilt avgjerande.

På nordsida av dalen har vi tamrein. Villrein og tamrein er same art – og nettopp derfor er kunnskap, omsyn og god forvaltning ekstra viktig. Skal villreinen overleve, må den få ro og plass nok.

Foredrag, forvaltning og framtid

Kvelden blir leia av sterke fagstemmer:

• Reidar Andersen, forfattar og forelesar, tek oss med på hovudforedraget Den lange vandringa – to slekter, éin felles historie. Med erfaring som friluftsmann, jeger, professor, forskar og forvaltar fortel han levande og engasjerande om reinen og mennesket – før og no.

• Hanne Lykkja, besøksforvaltar i Hemsedal, innleier om besøksforvaltning og korleis vi kan ta vare på villreinen gjennom arealplanlegging, kulturmiljøplan og arbeidet som pågår no.

• Pål Rørby, ordførar i Hemsedal, avsluttar kvelden med status og vidare planar for reetablering av villrein i Nordfjella.

For kven?

Dette er ein kveld for nysgjerrige fjellfolk. For turfolk, jegerar, naturinteresserte, barnefamiliar med litt større ungar – og for alle som vil forstå meir av fjella vi ferdast i.

Velkomen til ei minnerik stund i kultursalen.
Ei historie om fjellet, reinen – og ansvaret vi deler.

Praktisk info

• Kultursalen, Hemsedal
• 12. januar
• Kl. 19.00
• Gratis arrangement

Korleis kan vi, som turfolk og fjellvandrarar, vere med å ta vare på villreinfjellet mellom Ål og Hemsedal? Denne kvelden er ein god stad å starte.