DialektleirPå Snertestølen
Dialektleir på Snertestølen – Moro med halling!
Frå 12. til 15. juli blir det arrangert dialektleir på Snertestølen i Hemsedal for barn frå 3. til 8. klasse. Leiren har plass til 20 deltakarar, og prisen er 1 600 kroner, inkludert kurs, mat og overnatting.
Målet med leiren er å inspirere barn og unge til å bruke og lære hallingdialekta gjennom leik, aktivitetar og ekte stølsliv. Deltakarane får vere med på dyrestell, song, dans, forteljingar og spennande aktivitetar ute i naturen.
Kvar dag kjem erfarne dialektlærarar som lærer bort halling gjennom praktiske tema som friluftsliv, handverk, folkesong og andre tradisjonar. På denne måten blir dialekta ein naturleg del av opplevingane.
Leiren blir arrangert av Snertehaugen Mjølk & Musikk i samarbeid med mållaga i Hallingdal. Onsdag 15. juli kl. 18.00 – 21.00 blir det arrangert ein open kulturkveld der alle er velkomne.
Dialektleiren er eit flott tilbod for barn som ønskjer å lære meir om hallingdialekta, få nye venner og oppleve tradisjonelt stølsliv i vakre omgjevnader.
Les mer om dialektleiren her.
